كلمات اغنية مضرب امثال اسعد البطحري

كلمات أغنية مضرب امثال - اسعد البطحري

البارحه مرّت قصيده على البال
وحبّيت أزيّن هالقصيده بشلّه
الشعر في مدح الكريمين ينقال
وهنا يقال الشعر جا في محلّه

ترا ابن ادم بين نازل ورحّال
ويبقى الاثر يا نزله او يشلّه
يحيي العشب غيثٍ من المزن همّال
واذا عطش ريق الصحاري يبلّه

جنّب عن اللي في المهمّات تمثال
وحوّل على اللي كل صعبٍ يحلّه
وبو ناصر الله يحفظه مضرب امثال
حاضر ولو غابت نجوم الاهلّه

حمد ابن ناصر ابن حارب ظلال
اللي شكى من دورة الوقت علّه
من يعرفه يوقف معه حالن ومال
حتى من اللي ما يعرفه يجلّه

لأنه أبيض وجه في كل الأحوال
باقي يقولوا بيّض الله ظلّه
لو كل رجل اعمال هو رجل افعال
مات الفقر من كل دارٍ وحلّه

والمجلس اللي للكرم صار مدهال
من دون قوقل ماب كلن يدله
بالمرحبا يستقبلك طيّب الفال
ومن قبل تبرد دلّه تفوح دله

الدرعي دروع الوطن يوم الاهوال
تصفّح التاريخ دقّه وجلّه
قبيلة تنجب زحازيح وابطال
يتوارثون العز والشاهد الله

كلمات أغنية مضرب امثال اسعد البطحري

كلمات الشاعر : حمود بن وهقه
اداء : أسعد البطحري