كلمات اغنية خدني ع بلدي نانسي حوا

كلمات أغنية خدني ع بلدي - نانسي حوا

شوية صور وشوية اخبار من بلدي
كومة هدايا حلوة ملفوفة بذكريات
نصيحة من ابوي ودعوة من قلب امي
وكمشة حنيّة من ستّي بتسوى الحياة

لون السما ببلادي غير
صوت المطر حتى الهوا والله غير
بيروحوا ناس وبييجوا ناس
وبتبقى انت يا بلد بقلبي غير

خدني معك عبلدي
مشيني بين الحارات
احميني من غربة عمر
و ازرع فيي الحياة
خليني بشوارعها اكبر
وبسحر قمرها اسهر
والله ما راح بتأخر
بس خدني معاك

نظرة امل نظرة خجل
بعيون الحب الاول
زفة عرس لمّة جارات
ع دلة قهوة حلوة
رن الجرس فرحة طفل
بلّش بصف الأول
ريحة ترابك يا بلد
من بعد أول شتوة

نجوم السّما تِبعت سلام
ورق الشجر عطر الورد طير الحمام
بيقولوا ناس وبيحكوا ناس
ما بيوفي حقك يا بلد ايا كلام

خدني معك عبلدي
رجعلي أيام زمان
اسرق مني الوقت
وارميني على بر الأمان
اعطيني من بلدي الحنين
اعطيني خبزة زيت وزعتر
والله ما بدي أكثر
بس خدني معاك

خدني معك عبلدي
نسيني كل اللي راح
لو مرة بس شوف البلد
خلي القلب يرتاح
طعميني من ارضنا تين
ومن سهلنا لوزو اخضر
والله ما راح بتأخر
بس خدني معاك

كلمات أغنية خدني ع بلدي نانسي حوا

أغنية: خدني ع بلدي
غناء: نانسي حوا
كلمات وألحان: د.قاسم يونس
توزيع ميكس ماستر: داوود ابراهيم