كلمات أغنية انا زعلتك - مصطفى النسر
متجيش مع حد بايع الدنياوانا صغير مخسرتش بلية
وانا في ضيقتي مضحتش بكلية
وسندلت مسفتش في كيمياء
وفكيتها محلتش السيريال
حبيتها مبصتش لبنية
الصورة كاملة مقصتش ماتريال
بس طلعت غريب مع aliens
انا مش جاي في هزار بأمانة
من بدري الجمجمة تعبانة
غدارتي مبتجيش زعلانة
بتوقع متسيبش علامة
يملاش عيننا حاجة معينة
بس انتا عينك مش حلانا
ومش انتا يعني اللي هتسمعني
كلمتين على آخر الزمن
انا متشوق عشان لاعب متفوق جداً
عشان تقيل كبارة في الحتة
صايع وفاهم الدنيا بشدة
اي حد ندل اعامله بحدة
انا خلاص جهزت العدة
فصعب تشوفوا تاني ايام عدلة
مش هكبر حد دماغي انا فاقدها
ما انا نص اصحابي ضيعوا وقتي
والنص التاني بص في حاجتي
اني اكون سعيد قالوا مش من حقي
اما قولت اعيش جم كتمولي نفسي
وبلاش اوضحلك تفاصيل
حمول كتير عشت انا فيها حبشي
عشان قلبك لو قالك تيجي
رد بلأ ما تتسوحشي
انا زعلتك في حاجة
ومش هقولك ياسطا ايه هي
عشان بجد طلعت هفية
بتداري عينك ليه
عشان انتا عارف دماغي دي غبية
فصعب ان عينك تيجي في عنيا
فمتشغلش المعفنة
اصل الناس اللي زيك عارفينها
فمش محتاج اخبي واغفلك
انا باجي في الوش اقوم مقفلها
وذكرياتي مع قلبي دافنها
وكذا مرة اقول لعقلي اعفيلها
يقولي يا عم النسر اعقلها
الناس دي مفيش رجا ابداً منها
كان الشاب الضايع راح
الشاب الضايع جيه
ملكوش عين دلوقتي صراحة
انا لقيت يا حبيبي بس عشان تعبت
بقيت عين المنطقة والعب اللي انا فيه
وخلاص يا زهر لعبت
فاللي انتا شايفه صعب تعديه
بجيبه يابني انا عادي بصباع رجل
ومجتش في الشمال وحودت
ومحتاجتش ناس ولا اتحوجت
ومفيش مخلوق له جميل عندي
عشان كده خصمنا اي حد
مكناش شايلين حاجة للغد
وياريت كان فيها حيلة باليد
مظنش كان فيه حساب في البنك
انا بس عملت حساب للغدر
والناس اتجننت من بدري
والتغفيل من حيث لا تدري
والجدعنة خليتني المجني
عليه وصدقني عشان مش بهري
قولت اخوات فدا كان من جهلي
والتقدير طلَّع عين اهلي
الضرب عماكوا عايشين في الوهمي
وبيثرثروا اي كلام مهري
انا زعلتك في حاجة
ومش هقولك ياسطا ايه هي
عشان بجد طلعت هفية
بتداري عينك ليه
عشان انتا عارف دماغي دي غبية
فصعب ان عينك تيجي في عنيا