كلمات اغنية كنت أتمنى أماني سويسي

كلمات أغنية كنت أتمنى - أماني سويسي

كنت أستنى
الكلمة الحلوة يقولهالي
كنت أتمنى
حاجة أقول بكرة يجيبهالي
كان نفسي أما
أشكيله وعلى حاجة أحكيله
ألاقيه سامعني
وبصصلي وحاسس ايه جرالي

كنت أستنى عليا يغير
أو يتكلم عني كتير
عمري ما شفت معاه يوم خير

حبيته حب ما حدّش حبُّه
كرهني جرحني وهانّي
جيت على نفسي كتير علشانه
ومش هعمل أنا كده تاني
ندمانة إني في يوم حبيته
وندمانة كمان قوي إني
عملت المستحيل مع واحد
ما عملش الممكن علشاني

كان نفسي إنه
يبقى مبسوط اني بحبه
وأسمع منه
شكرا إني واقفة أنا جنبه
معروف عنه
انه لاغيني ومبكيني
الله يسامحه
على ظلمه وعلى قسوة قلبه

غريب ان الغريب بيصون
وأقرب حد لينا يخون
نحب ليه ناس عليها نهون

حبيته حب ما حدّش حبُّه
كرهني جرحني وهانّي
جيت على نفسي كتير علشانه
ومش هعمل أنا كده تاني
ندمانة إني في يوم حبيته
وندمانة كمان قوي إني
عملت المستحيل مع واحد
ما عملش الممكن علشاني

كلمات أغنية كنت أتمنى أماني سويسي

كلمات: هاني صارو
الحان: احمد زعيم
توزيع: شريف قاسم