كلمات اغنية غلاي انت فهد العيباني

كلمات أغنية غلاي انت - فهد العيباني

يا فتنة صباح الخير والشمس قبل شروق
ويا روح المساء اللي يشابك اصابعنا
قبل لا احبك ما اعرف ويش معنى الشوق
وحياتي قبل حبك ترى مالها معنى

غلاي انت والباقي ما يسوى ولا له لون
عرفتك ولونت الحياة وانقلب لوني
اذا للسعادة والفرح والهنا هرمون
طبيعي بغيابك ضقت لا صرت هرموني

طبيعي احبك نعم لا تقول شلون
من المفترض تسأل عن احوالي شلوني
على عودك المبري على درك المكنون
خذوني طيوفك بس ما قلت ردوني

انا وين ما اشوف السعاده اشوف رضاك
يا وجه عطاه الله حلا طاغي حضوره
بعد ما عرفت اني لقيت الهنا دنياك
تباهت بك ايام الغلا واعذب شعوره

وسبحان من جمّل وصوف الحلا واعطاك
ولا لوم نفسك لو تجي بثقل مغروره
حبيبي ومن يقدر على قدرته ينساك
ولك مبسمٍ يفرق ووجهٍ شعا نوره

احب السما واللي تسامى بزود وذوق
واحب الحنين اللي على طول يجمعنا
واحبك ومن مثلك علي ان عشقت يلوق
تعال اسرق اللحظه ولو كنت تتعنا

تمادى على قلبي بحنيتك برفوق
الين الفضا وياك ما عاد يسعنا
رويت الوصال اللي ارتوت منه العروق
عسى ما تجف من المواصل منابعنا

يا فتنة صباح الخير والشمس قبل شروق
ويا روح المساء اللي يشابك اصابعنا
قبل لا احبك ما اعرف ويش معنى الشوق
وحياتي قبل حبك ترى مالها معنى

كلمات أغنية غلاي انت فهد العيباني