كلمات أغنية خاويت ذكراه - فهد بن فصلا
خاويت ذكراه وملذّة طواريهوخليت كل اللي يقولون خله
احبه من اعماقي وخاطري فيه
وانا وما تملك يدي فدوةٍ له
وتفداه عذّاله ويفدون ماضيه
اللي يشوفون اشتياقي مذله
قلبي واعرفه واعرف اللي يسليه
وجهٍ يبيّن لك وش الزين كله
وجديلٍ مموّج طوالٍ مساريه
أبيع عمري واتفيّا بظله
اخذوا من سنيني وردّوا لياليه
مخنوق من رتم الحياه المملة
خلوني اسج القدم في محاريه
عمر الوفا ما كان غلطه وزله
وخفوا عليّ من العتب والمشاريه
لو ما بقى في العين دمعٍ تهله
ماني بمصخي به ولاني بناسيه
صدري مداهيله وقلبي محله
بعيش لآخر يوم في عمري ارجيه
رجوى المريض اللي تحت رحمة الله