كلمات أغنية ضفاف الليل - علي الواهبي
على ضفاف الليل تنساب الأحلاموكن الهوى قامت تهادى طيوفه
اقلط وقلبي لك مثل بدوٍ اكرام
ارحب هلا بك وانت اغلى ضيوفه
طاريك شوقٍ ينعش القلب وهيام
وذكرك له النفس العزيزه شغوفه
نرسم أمل ونقول الأفراح قدام
عل وعسى المشتاق يرتاح جوفه
واتخيلك بين الحقيقه والأوهام
يا اغلى هوى بالقلب عيني تشوفه
ومن يأمن الدنيا ودورات الأيام
وإلا الدهر لا من دهتنا صروفه
لكن غلاك يقر الأجفان وتنام
عيني وهي للنوم كانت عيوفه
وتهب نسمات الغلا وكن الأنسام
تنثر بقلبي أمن وتزيل خوفه
وأمشي بدرب الحب واحث الاقدام
واكسر حواجز كل زماني واطوفه
والقى مكانٍ غايم وروض وخيام
روضة غلا بأشواق قلبي محفوفه
تمطر علي الحب وتمر الأعوام
غيمٍ يصب الشوق وألمس كفوفه
لوحة غلا قلبي لها صار رسام
ريضان حبٍ ما تورات طيوفه
سحابةٍ تمطر غلا والمطر دام
سيلٍ جرى والزرع زانت قطوفه
أحلام حققنا وما صارت أحلام
حكم القدر وأمر الزمان وظروفه