كلمات أغنية وانت ماشي في سينا - شيرين ومحمد اسامة
وانت ماشي في سينا حاسبرمل سينا كله دم
من زمان مات لك هنا
خال وأب وابن عم
وانت ماشي في سينا حاسب
رمل سينا كله دم
من زمان مات لك هنا
خال وأب وابن عم
وناس كتير مش معدودين
وجد كان شايل في جيبه
سلسلة مكتوب عليها
آية من سورة ياسين
جدتك تدعيله يرجع
وهو نفسه في الشهادة
تدعي هي بس هو
عمره ما قال امين
وانت ماشي في سينا حاول
تفتكر مات فيها مين
وانت ماشي في سينا ادعي
واحنا وياك نقول امين
كل شبر في سينا غالي
ارضها ملهاش مثيل
شمسها وضحكة نهارها
ونور قمرها في ليل طويل
شوف بساطة أهلها
والطبيعة وسحرها
أو جمال الجو فيها
ولا مية بحرها
النجوم ماس في سماها
وشكلها بين الجبال
سينا عين مصر اللي شافت
بيها ايه معنى الجمال
رحلة العدرا ويسوع
عدّوا فيها من هنا
في ارضها سيدنا موسى
عاش وكلم ربنا
سينا درة تاج بلدنا
ردها لينا جدودنا
والنهاردة بقت امانة
لينا ولولاد ولادنا
وعد هنصونها بحياتنا
جوه قلبنا وفي عنينا
عهد من جيلنا وكلمة
والتزام واجب علينا
وانت ماشي في سينا حاول
تفتكر مات فيها مين
وانت ماشي في سينا ادعي
واحنا وياك نقول امين