كلمات أغنية زمن الكلام - كايروكي
كل ما تيجي الفكرة تروحكل ما بوصل لحتة بتوه
كل ما اشرب من كاس العلام
يتسرب من عقلي بقيت الكلام
والوقت بيجري مني جامد
النهاردة بقى امبارح بقى كله سايح
سايح سارح في اللي التلاهي
سارح في المسارح والمشهد هزالي
مبقاش فيه فن يغذي الروح
مبقاش فيه حد يخاطب عقلي
مبقاش فيه حد يريح قلبي
قلبي اللي بقى مليان
مليان جروح
كله فاضي كله عادي
كله سارح في الملاهي
كله تافه وبيتباهى
كله عايش لنفسه اناني
كله ملوش تفكير
غير انه يبقى من المشاهير
باقل مجهود بدون تبرير
كل شايف نفسه مدير
كله نفسه يبقى كبير عالفاضي
كله سراب كله تراب
كله عايز يبقي كبير عالفاضي
كله سراب كله تراب
سلام سلام
يا زمن الكلام سلام سلام
يا زمن الكلام
سلام سلام
يا زمن الكلام سلام سلام
يا زمن الكلام
مبقتش بطيق الناس
زي القروش بيشموا ريحة الدم
لو انت طيب تنداس وانا اللي بشيل الهم
التاريخ علمني إن الحياة بتلف في دايرة مقفولة
حتى الساعة اللي عقرابها واقعة
ممكن تبقى لسه موقوتة
بس العقرب اللي سم جسمي سمه لسه موجود
عايش في صحرا واسعة كبيرة العلم فيها ملوش وجود
كله فاهم كله شايف كله مغمض عينه ونايم
كله ماسك في حاجة وسايب سمها يجري فيه
بفرغ طاقتي السلبية زي الرصاص
ساعات بترد فيا ساعات تضرب في أعز الناس
فاكتم فيا الاذية وتنفجر جوايا
كان نفسي تكوني ليا بس للأسف مفيش معايا
غير أفكار بسيطة سهل وباتنين جنيه إبتكار
والليلة فيه الكابوس بيزورني في نفس الميعاد
بيعرض فيلم بطولته فشلي وكل يوم عمال يتعاد
ولما الشاشة بتسود بقرا قصيدة بتقول
هتصحى عجوز في جسم شاب
على ضل حلم على جبل عتاب
على عين مشافتش غير إكتئاب
بيني وبين نفسي ميت ألف حساب
سلام سلام
يا زمن الكلام سلام سلام
يا زمن الكلام
سلام سلام
يا زمن الكلام سلام سلام
يا زمن الكلام
لو فاكر انك هتحاسبني فكر مرتين
انت زيك زي يا ابني
معلش إسمحلي أقولك كلمتين
واحد متحاولش تقيمني كتير عشان متتبعبش
اتنين عمرك ما تقارن نجاحي
بمحتوى هابط فاسد جدره هش
فقبل ما تحاسبني بص لنفسك في المرايا
واعرف ان سجني اللي جوا مخك مش هيفرق معايا
وآخر نصيحة عندي ليك أقولهاك
لو عندك نصيحة ليا أحسنلك تخيلهالك